|
胡生「吃即食糖水定湯圓呀？」
胡太「湯圓啦！」 ～～ 湯圓貨架前 ～～ 胡太「呀！無冰糖，記住要買呀！」 胡生「我尋日咪幫你買左囉！」 胡太「哦！係喎！仲用過添…」 下車時阿仔說要尿尿，等不及回家，在花槽讓他解決，回家後我叫坐在地上玩玩具的仔仔「又話急尿，仲玩，快Ｄ去啦！」…阿仔跟著我急趕地跑進廁所，脫了褲子後仔仔說「無尿喎！」，同時間胡生在後面喊「頭先o係樓下咪痾左囉！」，後來他對阿仔說「你阿媽開始記唔到近發生既野啦！遠又記唔到，近又唔記得……」…
| 我::刻薄對話 | comments (4) |
|
 留言
＞＞圓柱體，
我也有試過穿既情況，在我研究過之後，不是膠袋厚薄問題，因為如果放得唔好，幾厚既都會穿，所以我特登用Ｄ細細既化妝袋，每次放六、七個入去，咁就萬無一失架啦！用左呢個方法之後都未試過穿，我情願做多一個兩個步驟囉，因為上次試過穿之後真係好狼狽，都唔知點算好！所以話，做左阿媽之後真係乜核突野都做過！
| 雲 | mail | url | 2009/03/31 11:57 |
我以前都試過用報紙袋架(最緊要係係免費 :p),不過自從有一次, 當我讓仔仔在痾,但同時間又唔知知點解我對鞋會濕哂.....之後再看清楚,原本個膠袋係穿窿...................
自此我就唔再用其他膠袋,只用最厚嘅雨傘袋.......... p.s. 男仔還好,女仔就真係唔用咩方法好.....
| 圓柱體 | mail | url | 2009/03/31 10:35 |
＞＞圓柱體，
你說的兩種方法我都有用，以前諗住用膠樽會環保Ｄ，到要做時又不大可行，成日講環保的我有時都會懶的！ 膠袋就一向都有袋定在包包，我都怕左阿仔隨時都要尿尿，膠袋仔真係好方便，但我唔係用雨傘袋的，我是用最容易分解那一種薄薄的保鮮袋，而且容易 KEEP，把幾個保鮮袋先摔開最頂部的位置放在小袋子，到要尿尿時找出一個就可以輕易打開膠袋，我試過一次因為趕唔切摔開，比阿仔整到一手都係啦（果時佢仲細，唔忍到好耐）。 我不會在路邊痾的，但會在我們樓下的公園草叢，樓下是私人地方，沒有警察，有時貪方便都會咁做，懶丫嘛！呵～
| 雲 | mail | url | 2009/03/30 22:15 |
小朋友急起上來要痾就痾(小的,不是大啊), 給你2 個小貼士(只給男生,女生無份sorry :P):
(1) 下雨天時,到商場拿一些免費的膠雨傘袋(有短的就拿短, 沒有的話就拿長那些啦),你每個手袋都放幾個,當仔仔人有三急時,就拿出來套在gu gu上,痾完之後就隨手打個絡,我99%肯定都不會弄濕自己的手+仔仔的褲. 長那些膠雨傘袋就要自己先在家剪短喇,否則那些尿尿要很久才可以流到袋底,打結時就很麻煩呢! (2) 袋一個小小的吉膠樽(到吉豬島買那個日本版的寶礦x,是mini size的,只有一個手掌大),用法一樣,回家只要用水沖乾淨,下次出街就可以再用. 用這2 個方法,這樣就算你站在路邊小便,一來不會弄污環境,二來就一定沒有警察來找你呢.
| 圓柱體 | mail | url | 2009/03/28 11:35 |
|
