|
＊氣管敏感
因為仔仔吃了藥，我得到半個下午的自由。 仔仔昨晚睡覺時還有點喘，一直擔心他而睡不好，早上起來累到爆，胡生昨晚雖然晚回來，今早卻比我早起，難得他照顧仔仔我就多睡一會，睡醒立刻打電話到診所替仔仔掛號，一家人吃完幸福蛋蛋再乘車到吉島看醫生，掛了號還是要等半小時，真的有這麼多病人？（真的） 看完醫生胡生陪仔仔在置樂公園跑一會，我去買菜，回家吃了藥就睡了一個下午，終於有空又有心清理書桌上的單據。 每次看到信箱有信都不想收，收了也只是疊起放旁邊，根本不想處理，到了月中及月底還是跑不掉，乖乖繳費乖乖 filing，沒做秘書仍然要做這等事情真討厭；看見賬單就快打爆快勞，既然有空就把舊單據拿掉，然後做人肉碎紙機，噢～超級劈嚦無敵厭惡的工作！差點想拿著剪刀挫牆壁！ 把一切弄妥正準備上網玩樂一下仔仔就起來，母子連心咧！他知道我有空就起來陪我，真有心！只好離開書桌去準備晚飯…人蔘啊！…
| 我::我們這一家 | comments (3) |
|
 留言
＞＞SKII，
就是啊，別人也告訴過我九龍或香港的那裡的醫生好，我都不會考慮，就算大人都吃不消，何況小孩，還是不要折磨他們好。 ＞＞貓貓公主， 我又係好怕ｄ醫生係唔係都話ｄ細路哮喘，講真，開哮喘藥一定好架，係太重藥之嘛，佢個名聲無損架，係我地個心肝受之嘛！ 我諗係每個小孩病情不同吧，我個仔只係剛剛發生這種病情，比較輕既藥可以架啦，我反而怕太重。
| 雲 | mail | url | 2009/02/24 16:05 |
我亞仔睇開既S醫生唔會亂開藥,發燒感冒先會開抗生素,敏感有痰流鼻水,只會開化痰收鼻水藥,嚴重先再加抗敏藥!收得係比較貴(起碼$210),但論資歷就值晒啦!
前排亞仔唔舒服撞正S醫生放假,睇左網上話好既C醫生,佢竟然話我個仔有哮喘(@o@?),又要我同我老公幫手迫亞仔用[嘖嘖],之後話亞仔有反應即係哮喘!我有懷疑,但老公話可能真係遺傳,咪聽住先囉![嘖嘖]加輔助器同藥收成五百幾,但亞仔食左D藥都唔見好,隔左日睇返S醫生,話亞仔有痰食D藥冇事,我話俾佢聽返C醫生所講,同俾D藥佢睇,佢就話:識你個仔咁耐都未聽過佢喘!],又話D藥根本唔岩亞仔食,有隻藥就太重,另外一隻就要食兩星期以上先有效,就係o個隻青蛙藥!
| 貓貓公主 | mail | url | 2009/02/18 4:53 |
胡老太 :
同意你所講, 某些醫生有事沒事都開抗生素, 真的不知所謂, 你也還好能在同區找到一個好醫生, 屯門就是有其中這一個好處, 地區大, 有錢那怕找不到好醫生, 而我就非常之慘, 以前是屯門之友, 結婚生子後就變成港島之友, 醫生在本區試過很多都不夾, 到呀仔還要次次搭半個鐘巴士等個幾鐘(巳掛號)一來一回為俾錢醫生洗就要用上一個上午or下午, 到仔上幼稚園病就更多, 於是我的媽就叫我帶仔回屯門睇, 果然掂左, 但惡夢就開始了, 一咳便要由柴灣回屯門睇醫生, 每次仔咳都是我的惡夢, 比起出銅鑼灣還要慘, 試過最癲就是搭961抱住個仔揹住一個背包由屯門企到去中環, 車裡的人個個都當我透明, 沒人讓坐, 回到家手痛得不似是身體的一部份, 幸得一位幼稚園家長介紹本區一個從未睇過的醫生, 收費廉宜($150-$200)而最最最重要的是很夾我和呀仔, 住在港島區8年多(今年第9年), 還是頭一次能在港島區找到一個夾我兩母子的醫生, 以前的九屁醫生, 普通傷風感冒, 不理是大人還是小孩子最低消費一律都是$2xx起, 實在痴Q線, 現在好得多了, 而且我也學會了兩度散手, 待呀仔咳時識煲什麼東東給他飲而又不用吃藥, 為人母親的時間就是如此被自己的孩子消磨了~ 感慨ing~ SKII
| SKII | mail | url | 2009/02/17 21:19 |
|
